29 noyabr 2010 12:26
Qus Hiddinkdən Türkiyə futbolu üçün daha bir təlimat
Bir müddət öncə ölkəsindən olan jurnalistlərə müsahibəsində türkiyəli futbolçuların hakimlərlə mübahisələrə çox aludə olmasından şikayətlənən Türkiyə millisinin hollandiyalı çalışdırıcısı Qus Hiddink artıq bu problemin aradan qaldırılması üçün əməli işlərə də girişib. Azerisport.az xəbər verir ki, belə halların qarşısını almaq üçün baş məşqçi Türkiyə Futbol Federasiyasının müvafiq qurumlarına xüsusi göstərişlər verib.
Bu mənada əsas iş Hakimlər Komitəsi və oyunlara təyinat alan hakimlərlə aparılır. Məhz ədalət təmsilçilərinə oyunçularla dialoqdan çəkinmək tapşırığı verilib. Hiddink və TFF rəsmiləri bu yolla oyunçuların həmin vərdişlərini unudacağına və meydandakı çılğınlıqlarını qismən azaldacaqlarına ümid edirlər.
