30 noyabr 2010 15:12
Anji Mahir Şükürovu yanvarın 7-nə kimi istirahətə buraxdı
Millimizin üzvü Mahir Şükürovun da şərəfini qoruduğu Rusiyanın Anji klubunun məşqçi və futbolçu heyəti istirahətə buraxılıb. Azerisport.az Mahaçqala klubunun rəsmi saytına istinadən xəbər verir ki, komanda gələn ilin yanvar ayının 7-nə kimi məzuniyyətdə olacaq.
Yanvarın 8-dən etibarən isə bütün futbolçular və məşqçilər yenidən klubun bazasında bir araya gəlib, yeni mövsümün hazırlıqlarına start verəcəklər. Millimizin aparıcı oyunçularından sayılan, son oyunlarda Anji`nin heyətində yer ala bilməyən Şükürovun komandadakı gələcək aqibətinin necə olacağını isə zaman göstərəcək.
