30 noyabr 2010 16:48
Mirça Rednik: Kim isə danışıqların uğurla başa çatmasına mane olub
Xəzər Lənkəran klubunun baş məşqçisi Mirça Rednik Kot d'ivuarlı yarımmüdafiəçi Zie Diabatenin onun komandasına keçməsinə imtina ilə bağlı öz fikrini bildirib. Azerisport.az xəbər verir ki, Rumıniya mətbuatına müsahibəsində Rednik bunları deyib:
“Kim isə bizim danışıqların uğurla başa çatmasına mane olub. Zie özü ayda 30 min avro istədiyini deyirdi. Klub rəhbərliyi ona bu qədər pul verməyə hazır idi. Ancaq indi, yaranmış şəraitdə o, bura gəlməyəcək. Mən hətta onun zənglərinə cavab vermirəm”.
