30 noyabr 2010 11:17
Millimizin kapitanı Kayserispor`la oyunun hazırlıqlarına başladı
Millimizin kapitanı Rəşad Sadıqovun şərəfini qoruduğu Eskişehirspor Türkiyə Superliqasının növbəti turunun oyununa hazırlıqlara start verib. Azerisport.az xəbər verir ki, komandanın son məşqində bir sıra itkilərin olduğuna dair xəbərlər gəlsə də, nəhayət həmyerlimizin adı onların arasında yoxdu. Bu isə təcrübəli müdafiəçimizin artıq tam olaraq sıraya dönməsindən xəbər verir.
Sadıqov və oyundaşları növbəti turda qarşılaşacaqları Kayserispor`la oyunun hazırlıqlarına köməkçi-məşqçi Sefer Yılmazın rəhbərliyi altında başlayıb. Buna isə baş məşqçi Bülənt Uyğunun dünən keçirilən Bursaspor - Kayserispor maçtında növbəti rəqibin oyununu yaxından izləməyə getməsi səbəb olub.
Qeyd edək ki, təcrübəli müdafiəçimiz son oyunları zədəli olduğuna görə buraxırdı və onun nəhayət həftəsonu yenidən yaşıl meydana dönəcəyi gözlənilir.
