1 dekabr 2010 10:31
Millimizin kapitanı paxlavaya qonaq edildi, komandadan ayrı çalışdı
Millimizin kapitanı Rəşad Sadıqovun həftəsonu keçiriləcək Kayserispor`la oyunda da iştirakı sual altına düşüb. Azerisport.az xəbər verir ki, buna səbəb onun hələ də zədədən sonrakı bərpa prosesini tam şəkildə keçə və ümumi məşqlərdə iştirak edə bilməməsidir.
Qardaş ölkə mətbuatının yazdığı bilgiyə görə, Eskişehirspor`un dünənki məşqində futbolçumuz Sezerlə birlikdə ayrıca çalışmaq məcburiyyətində qalıb. Bu isə onun vaxtilə şərəfini qoruduğu Kayserispor`la səfər matçında da sıraya dönüşünün mümkünsüzlüyündən xəbər verir.
Bu arada eskişehirli azarkeşlər komandanın dünənki məşqindən öncə futbolçularla görüş keçiriblər. Komanda üzvləri üçün paxlava hazırlayıb gətirən tərəfdarlar, çətin qarşılaşma ərəfəsində Eskişehirspor üzvlərinə dəstək olublar.
