2 dekabr 2010 14:46
Hakim haqsızlığıyla üzləşən klublarımız müəyyənləşdi
Azerisport.az daha sorğusuna yekun vurub. Oxucularımız arasında keçirdiyimiz “Cari mövsüm hakim haqsızlığıyla daha çox üzləşən klub hansıdır” sualının cavabında məlum olub ki, Xəzər Lənkəran ən çox sıxışdırılan elita təmsilçisidir. Respondentlərin 34 faizi belə qənaətə gəlib.
Hakim ədalətsizliyi ilə üzləşən digər klublara gəlincə, fit sahiblərindən Neftçi və Qarabağ`a eyni dərəcədə antipatiya var. Sorğuya qatılanların 24 faizi paytaxt, digər 24 faizi də Ağdam klubunun oyunlarındakı idarəçilikdən narazıdır.
AZAL, İnter, Bakı və Qəbələ klublarının hakimlərdən ciddi şikayəti olmasa da, onlarla müqayisədə qalan klublar sıxışdırıldıqlarını ifadə ediblər. Hər halda respondentlərin 22 faizi də məhz adları çəkilməyən klublarımızın haqsızlıqla üzləşdiklərini düşünür.
