2 dekabr 2010 20:46
“Rəqib güclü olsa da, qələbəni biz qazanacağıq”
Neftçi`nin və millimizin üzvü Ruslan Abışov dekabrın 4-də keçiriləcək Premyer Liqanın 16-cı turunun AZAL-la oyunu haqda fikirlərini bildirib. Azerisport.az xəbər verir ki, gənc futbolçu klubun rəsmi saytına açıqlamasında bunları dilə gətirib:
"Çətin oyun olacaq. AZAL son turlar bizi izləyir, liderlər qrupundan ayrılmır. Rəqib çox güclüdür, amma inanıram ki, qələbəni biz qazanacağıq”.
Ruslan Abışov son vaxtlar paytaxt klubu haqqında yayılan bir sıra fikirlərə də münasibətini bildirib: “Bəzilərinin gözü Neftçi`nin qazandığı uğurları görmək istəmir. Oyunlarımız televiziya vasitəsilə canlı yayımlanır və xalq da görür ki, Neftçi`nin əvvəlki ruhu özünə qayıtmaqdadır. Xalqın gözü tərəzidir və qazandığımız nəticələr də, göstərdiyimiz oyun da bizim hamıdan güclü olduğumuza əyani sübutdur. Neftçi meydanda təmiz oyunu ilə qələbələrini bundan sonra da davam etdirəcək”.
