3 dekabr 2010 17:45
“Mahirin milli mənsubiyyətinə görə münasibətdən danışmağa haqqı yoxdur”
Anji`nin baş məşqçisi Hacı Hacıyev bildirib ki, azərbaycanlı müdafiəçi Mahir Şükürov öz mülahizələrində bir qədər təmkinli olmalıdır. Azerisport.az xəbər verir ki, bu haqda o, klubun rəsmi saytına açıqlamasında bəyan edib:
“Əgər onun getmək arzusu varsa o, bu barədə klub rəhbərliyi ilə danışmalıdır. Oyunçunun getmək istəyi varsa, məndə heç vaxt onun komandada qalmasına xahiş kimi vərdişim olmayıb. Mahir mənə getmək istədiyini deməyib. Mənim onunla söhbətimin mövzusu yalnız mülahizələrində bir qədər təmkinli olması ilə bağlı olub”.
“Şükürovun Anji`də ona qarşı azərbaycanlı olduğundan pis münasibət göstərilməsini deməyə haqqı yoxdur. Biz çoxmillətli komandayıq. Respublikamız çoxmillətlidir. Respublika rəhbəri ilə Azərbaycan rəhbəri arasında gözəl münasibətlər var. Həm mənim, həm klub rəhbərliyinin qonşu dövlətdə çoxlu yaxşı dostları var. Necə ola bilər ki, məsələn, biz çexiyalı Qolendeyə azərbaycanlı Şükürovdan daha yaxşı münasibət göstəririk? Mən bütün bunlar haqda Şükürova danışdım və o, etiraf etdi ki, mən haqlıyam” – deyə Hacıyev qeyd edib.
Daha sonra baş məşqçi millimizin üzvü haqda bunları dilə gətirib: “Şükürovun bir sıra yaxşı oyunları olub. Bir sıra aşağı səviyyəli oyunlar da keçirib. Bu futbolçunu daim belə deyək, bir növ gərginlikdə saxlamaq lazımdır. Yeri gəlmişkən ən yaxşı oyununu o, mətbuatda səs-küy doğuran bir sıra açıqlamalarından sonra keçirib”.
