4 dekabr 2010 12:41
Manchester United`in oyunu təxirə salındı
Hazırda Avropa ölkələrində davam edən əlverişsiz hava şəraiti deyəsən hələ çox oyunların təxirə salınmasına səbəb olacaq. Bu həftənin oyunları start götürməmiş, artıq İngiltərə Premyer Liqasında bir oyunun təxirə salındığı haqda məlumat yayılıb. Blackpool və Manchester United klubları rəsmi saytları vasitəsilə yayımlanan xəbərdə bildiriblər ki, bu komandalar aralarındakı qarşılaşma güclü qar yağışları üzündən başqa tarixdə oynanılacaq.
Məlumatda bildirilir ki, matçın baş hakimi Peter Uelton qazonun donmasını səbəb gətirərək, elə arenada futbol oynamağın mümkünsüz olduğuna və qarşılaşmanın təxirə salınmasına qərar verib. Maraq üçün qeyd edək ki, bu Blackpool - Manchester United görüşü bu gecə saat 20:30-da oynanılmalı idi.
