5 dekabr 2010 13:12
Devid Bekhem də klub alır
Los Angeles Galaxy`nin ingilis ulduzu Devid Bekhem, klub sahibi olmaq istəyir. Azerisport.az xəbər verir ki, dünya şöhrətli futbolçu bir MLS klubunu satın almaq üçün işə başlayıb.
ABŞ futbol çempionatında çıxış edən Los Angeles Galaxy'`nin şərəfini qoruyan orta sahə oyunçusu bu istəyini məhz MLS klublarından biri ilə həyata keçirmək arzusundadır. “The Mirror”un xəbərinə görə 35 yaşlı oyunçu, karyerasının sonunda da ABDŞ-da qalmaq istədiyi üçün gələcək həyatını burda məhz hansısa bir kluba sahiblik etməklə qurmaq istəyir. Onun hətta noyabr ayında hazırkı komandasıyla başa çatacaq müqaviləsini yeniləmək istəmədiyi, məhz almaq istədiyi yeni klubunda oyunçu-prezident kimi top qovmaq arzusunda olduğu da iddia olunur.
Qeyd edək ki, 2007-ci ildən bu yana LA Galaxy`də forma geyən Bekhem, çıxdığı 52 matçda 9 qol vurmağı bacarıb.
