6 dekabr 2010 01:50
Simurq: hər şey Qurban Qurbanov və Qarabağ üçün
Premyer Liqada daha bir turu arxada qoyduq. Azerisport.az xəbər verir ki, hesabat turunun əsas qarşılaşmaları şənbə günü oynanılsa da, bazar günü keçirilən 2 oyun da az maraq kəsb etmirdi.
Son dövrlər əvvəlki kimi özündən söz etdirə bilməyən Gəncə Muğan`ı qəbul edirdi ki, bu qarşılaşmada meydan sahiblərinin nəhayət qələbəsizlik sindromuna son qoymağa çalışacağı gözlənilən idi. Lakin rəqib qeyri-sabit çıxışı ilə seçilən, bəzən hətta favoritləri də büdrədən Muğan olduğundan, bu barədə dəqiq mülahizə yürütmək çətin idi. Axı elə son turda Salyan təmsilçisi ölkə çempionu İnter`i məğlub etməklə, nəyə qadir olduğunu nümayiş etdirmişdi.
Amma gəncəlilərin doğma meydanda Salyan klubu üzərindəki 3:0 hesablı qələbəsi hardasa paytaxt təmsilçisi üzərində uğura kölgə salmış oldu. Muğan ən azı həmin qələbəsinin təsadüfi olmadığını sübut etməyə borclu olsa da, bunu bacarmadı. Nəticədə həm də Gəncə bu rəqibiylə arasındakı xal fərqini artırmış oldu ki, əsas məsələ də elə bu idi.
Günün digər oyununda – Bakı – Simurq qarşılaşmasında da meydan sahiblərinin rahat qələbəyə sevinəcəyi proqnozlaşdırılırdı. Cari mövsüm cəmi 1 qələbəsi olan, heç kimin sürpriz gözləmədiyi autsayder Simurq`dan paytaxt klubunu büdrətməyi bəlkə heç hazırda ölkəmizdə olmayan komandanın baş məşqçisi Qyoko Haciyevski də gözləməzdi. Lakin yetirmələri məhz onun yoxluğunda, onun üçün böyük bir sürprizə imza atdılar.
Karyerasının qürub çağlarını yaşayan Samir Əliyevin erkən və fantastik qolu meydan sahibləri üçün həqiqətən böyük şok oldu. O dərəcədə ki, bakılılar 90 dəqiqənin tamamına kimi həmin şokdan ayılan bilmədilər. Nəticə isə göz qabağındadı. 16-17 yaşlı uşaqların yer aldığı Simurq Bakı üzərində sensasion qələbənin müəllifidir.
Bu qələbə gələcəyin komandasını quran Zaqatala klubu üçün nə dərəcədə sevindiricidirsə, Bakı üçün bir o qədər üzücüdür. Hər kəs paytaxt təmsilçisinin artıq özünə gəldiyini düşündüyü bir vaxtda, Simurq sübut etdi ki, Bakı hələ yaydakı olayların təsirindən ayılmayıb. Yeri gəlmişkən, zaqatalalıların bu qələbəsi daha çox həmyerliləri Qurban Qurbanovun komandasının – Qarabağ`ın işinə yaradı. Axı son turlar uğursuzluqlarla üzləşən Ağdam klubu İnter üzərində qələbəylə çox şey əldə etmiş oldu.
Premyer Liqa
16-cı tur
Gəncə - Muğan - 3:0 (2:0)
Qollar: Sabir Allahquliyev, 6 (1:0), Şahin Kərimov, 9 (2:0). Junivan Suares, 55 (3:0).
Sarı vərəqələr: Zura Dzamsaşvili, 45, Ramal Hüseynov, 47, Şahin Kərimov, 54 - Elnur Abdullayev, 45, Novruz Məmmədov, 58, Taqim Novruzov, 60.
Hakimlər: Rövşən Əhmədov, Yaşar Abbasov, Elşən Durmuşov, Elnur Muradov.
AFFA nümayəndəsi: Əsgər Əmirəliyev.
Hakim-inspektor: Asim Xudiyev.
Artırılan vaxt: I hissədə - 1 dəq.; II hissədə - 3 dəq.
5 dekabr 2010. Saat 14:00. Gəncə şəhər stadionu. 6000 tamaşaçı.
Gəncə: 1. Еdis Kurtanoviç, 2. Xəyal Mustafayev (6. Samir Zərgərov, 22), 15. Şahin Kərimov, 4. Azər Məmmədov (k), 5. Mətləb Məmmədov (3. Vasif Haqverdiyev, 81), 25. Armand Feutçine, 7. Ramal Hüseynov, 13. Zura Dzamsaşvili, 9. Ceyhun Sultanov, 11. Sabir Allahquliyev (8. Georgi Seturidze, 79), 23. Junivan Suares.
Ehtiyat oyunçular: 16. Xəyal Zeynalov, 18. İbrahim Hüseynov, 24. Levan Mdvinişvili, 14. Rafael Əmirbəyov.
Baş məşqçi: Fuad İsmayılov.
Muğan: 1. Amil Ağacanov, 3. Miloş Zeçeviç, 5. Novruz Məmmədov, 6. Taqim Novruzov, 7. Elnur Abdullayev (k) (17. Ravi Rəhmanov, 77), 9. Elşən Məmmədov (10. Saşko Pandev, 52), 11. Dan Pisla (19. Zaur Əsədov, 61), 26. Ekrem Hodziç, 30. Anxel Qutyerres, 34. Cavad Mirzəyev, 77. Reis Klaudiney.
Ehtiyat oyunçular: 12. Cavid Səfərov, 8. Tural Axundov, 18. Davit Svanadze, 21. Ceyhun Abdullayev.
Məşqçi: Bəhmən Həsənov.
Bakı - Simurq - 0:1 (0:1)
Qol: Samir Əliyev, 8.
Sarı vərəqələr: Anqulo Cefersson, 77, Cəmşid Məhərrəmov, 84 - Elnur Abbasov, 51, Qərib İbrahimov, 80.
Hakimlər: Rəhim Həsənov, Azad Q. Hüseynov, İlham Əliyev, Ceyhun Haşımov.
AFFA nümayəndəsi: Sakin Məmmədzadə.
Hakim-inspektor: Məhəmməd Məmmədov.
Artırılan vaxt: I hissədə - 2 dəq.; II hissədə - 3 dəq.
5 dekabr 2010. Saat 16:00. Tofiq Bəhramov adına Respublika stadionu. 500 tamaşaçı.
Bakı: 1. Marko Şarliya, 5. Stefan Borbikoni, 6. Dare Nibombe, 10. Joel Epalle, 15. Cəmşid Məhərrəmov (k), 20. Fabio Luis Ramim, 29. Əziz Quliyev, 30. İbrahim Karqbo, 77. Aleksandar Soliç (25. Anqulo Cefersson, 73), 85. Jaba, 99. Leonardo Roşa (2. Saşa Kaykut, 59).
Ehtiyat oyunçular: 23. Xalidu Sissoko, 4. Vadim Borets, 7. Mahmud Qurbanov, 21. Emin Cəfərquliyev, 32. Aleksey Savinov.
Baş məşqçi: Vinfrid Şefer.
Simurq: 22. Adnan Hodziç, 5. Elvin Yunusov, 6. Mikayıl Rəhimov (20. Elnur Abbasov, 45+1), 7. Samir Əliyev (k) (9. Əli Bağırov, 61), 8. Qərib İbrahimov, 10. Vasif Əliyev, 14. Anar Həsənli, 15. Elvin Musazadə (11. Yasin Abbasov, 71), 17. Rüstəm Məmmədov, 23. Elçin Xəlilov, 27. Ramil Sayadov.
Ehtiyat oyunçular: 1. Fuad Əhmədov, 19. Azər Səfərli, 28. İlkin Qırtımov, 16. Nəsib Əliyev.
Məşqçi: Böyükağa Ağayev.
Bu turun şənbə günü baş tutan oyunlarının nəticələri: MOİK - QƏBƏLƏ - 0:3, AZAL - NEFTÇİ - 0:0, TURAN – XƏZƏR LƏNKƏRAN - 1:2, QARABAĞ – İNTER - 1:0
| 1 | Neftçi | 16 | 10 | 5 | 1 | 30 | - | 7 | 35 |
| 2 | XL | 16 | 10 | 4 | 2 | 19 | - | 8 | 34 |
| 3 | AZAL | 16 | 9 | 5 | 2 | 22 | - | 8 | 32 |
| 4 | İnter | 16 | 8 | 3 | 5 | 13 | - | 11 | 27 |
| 5 | Qəbələ | 16 | 7 | 5 | 4 | 16 | - | 7 | 26 |
| 6 | Qarabağ | 16 | 7 | 3 | 6 | 16 | - | 12 | 24 |
| 7 | Bakı | 16 | 6 | 4 | 6 | 22 | - | 18 | 22 |
| 8 | Gəncə | 16 | 5 | 7 | 4 | 23 | - | 20 | 22 |
| 9 | Muğan | 16 | 3 | 5 | 8 | 7 | - | 19 | 14 |
| 10 | Turan | 16 | 2 | 5 | 9 | 13 | - | 25 | 11 |
| 11 | Simurq | 16 | 2 | 4 | 10 | 10 | - | 25 | 10 |
| 12 | MOİK | 16 | 1 | 2 | 13 | 5 | - | 36 | 5 |
Bombardirlər: Bahodir Nasimov (Neftçi) – 14, Junivan Suares (Gəncə) - 9, Qvidas Yuşka (AZAL), Deon Barton (Qəbələ) – 7, Georgi Adamiya (Qarabağ) - 6...
