6 dekabr 2010 03:49
“Rəşad Sadıqov Kayserispor`a qarşı oynaya biləcək durumda”
Bu gün millimizin kapitanı Rəşad Sadıqovun formasını geydiyi Eskişehirspor Türkiyə Superliqasının 15-ci turu çərçivəsində çətin səfərə çıxır. Azerisport.az xəbər verir ki, həmyerlimizin komandası turun qapanış matçında Kayserispor`un qonağı olacaq.
Fenerbahçe ilə oyunda zədə alandan bəri əsas heyətə düşə bilməyən Rəşadın bu günkü dueldə də iştirakı sual altındadır. Lakin maraqlıdır ki, türkiyəli həmkarlarımız onun oynaya biləcək durumda olduğunu iddia edir:
“Rza Çalımbay ilə çox gözel bir dönəm yaşayan, ancaq mövsüm öncəsi alınan məğlubiyyətlər sonrası komandanı Bülənt Uyguna əmanət edən Eskişehirspor, son dönəmdə aldığı xallarla toparlandı. Uygunun cəzalı olmasına rəğmən yetirmələri yaxşı nəticələr qazanır. Uygunun dönəmində sadəcə Fenerbahçe’yə uduzan Es-Es, Kayseri səfərindən də xalla qayıtmağın hesablarını cızır. Bülənt Kocabəy, Koray Arslanın zədələri davam edir. Yüngül zədələri olan Rəşad Sadıqov və Sezer Öztürk isə oynaya biləcək durumda. Komandanın əsas qol silahı Batuhan Karadeniz isə cəzalıdı”.
Maraq üçün sonda həmkarlarımızın bu günkü oyun üçün Eskişehirspor’un təxmini müəyyənləşdirdiyi heyəti də təqdim edirik: Ivesa, Volkan, Nadareviç, Dieqo, Doğa, Bülənt, Erkan, Serdar, Sezer, Jaycee, Sezgin.
