6 dekabr 2010 11:26
Kubok oyunlarının başlama saatları müəyyənləşdi
Azərbaycan kubokunun 1/8 final oyunlarının keçiriləcəyi stadionlar və başlama vaxtı məlum olub. Azerisport.az xəbər verir ki, bu oyunlardan biri artıq sabah keçiriləcək. İlk oyun günündə Qarabağ`la Turan öz aralarındakı münasibətlərə aydınlıq gətirəcək. Digər 7 cütün taleyinə isə dekabrın 8-də aydınlıq gəlmiş olacaq.
Maraq üçün qeyd edək ki, bütün cütlüklərdə növbəti mərhələyə adlayacaq komandalar yalnız bir oyunla müəyyənləşəcək. Məhz 1/4 final mərhələsi və yarım final oyunları əvvəlki qayda ilə keçiriləcək, yəni cütlüklərin qalibləri iki oyunun nəticəsinə görə müəyyənləşəcək. 1/8 final mərhələsinə qədər (bu mərhələ də daxil olmaqla) cütlüklərin qalibləri bir oyunla məlum olur ki, bu qayda da bu ildən tətbiq olunur.
Ölkə kuboku
1/8 final
7 dekabr (çərşənbə axşamı)
Qarabağ - Turan
Bakı. Tofiq İsmayılov adına Suraxanı qəsəbə stadionu. Saat 13:00.
8 dekabr (çərşənbə)
Gəncə - Neftçi
Gəncə. Şəhər stadionu. Saat 13:00.
Xəzər Lənkəran – MKT-Araz
Lənkəran. Şəhər mərkəzi stadionu. Saat 15:00.
Qəbələ - Neftçi İSM
Qəbələ. Şəhər stadionu. Saat 13:00.
Bakı - Muğan
Bakı. Tofiq Bəhramov adına Respublika stadionu. Saat 14:00.
Simurq - Abşeron
Zaqatala. Şəhər stadionu. Saat 13:00.
Şuşa - İnter
Bakı. Ədliyyə stadionu. Saat 13:00
Rəvan - AZAL
Bakı. Şəfa stadionu, 4-cü meydança. Saat 13:00.
