6 dekabr 2010 12:38
Allan Lalin ayıldı və Emin Quliyevə çatdı
Xəzər Lənkəran klubunun oyunçusu Allan Lalin qol həsrətinə son qoyub. Azerisport.az xəbər verir ki, honduraslı hücumçu Premyer Liqada ilk qolunu vurub. Mərkəzi amerikalı legioner komandanın heyətində sonuncu qolunu bu ilin yayında vurmuşdu. O, Avropa Liqasının 1-ci təsnifat mərhələsinin cavab oyununda fərqlənmişdi.
Allan iyulun 8-də Moldovanın Olimpiya klubu ilə Lənkəranda keçirilən matçda rəqib qapısına yol tapmışdı. Həmin matçın 78-ci dəqiqəsində qol sevinci yaşayan Lalin Azərbaycan çempionatının 16-cı turunun Turan`la səfər oyununa kimi uğursuzluq zolağına düşmüşdü. Meydana çıxdığı son 13 matçda hücumçunn səyləri nəticə verməmişdi.
149 gündən sonra yenidən Xəzər Lənkəran azarkeşlərinə qol bəxş edən honduraslı komandanın heyətində 12-ci qolunu vurub. Bununla da legioner eyni sayda fərqlənən Emin Quliyevə çatıb. Lənkəran təmsilçisinin tarixində 10-cu bombardirliyə şərik olan Lalin əcnəbi futbolçular arasında 5-ci nəticəyə malikdir.
1 Zaur Ramazanov 44
2 Samir Əliyev 34
3 Mario Souza 26
4 Ivan Tsvetkov 24
5 Rəşad Abdullayev 18
6 Vüqar Nadirov 18
7 Oqtay Dərəlioğlu 18
8 Rahid Əmirquliyev 17
9 Edmond N'Tiamoa 13
10 Emin Quliyev 12
11 Allan Lalin 12
