7 dekabr 2010 00:56
TFF prezidenti millimizə yenilgini gözlənilməz və xoşagəlməz sürpriz adlandırdı
Türkiyə Futbol Federasiyasının prezidenti Mahmut Özgener AÇ-2012-nin seçmə mərhələsi çərçivəsində Bakıda millimizə yenilgilərini xatırlayıb. Azerisport.az xəbər verir ki, ölkəsindən olan jurnalistlərə geniş müsahibə verən federasiya rəhbəri bir çox məsələlərlə bağlı fikirlərini bölüşüb ki, bunların arasında millinin son uğursuzluqları da var:
“'İlk dəfə klublarımız Avropa kuboklarından çox erkən uzaqlaşdılar. Bunun keçici bir durum olduğunu düşünürəm. Heç gözləmədiyimiz, bizim üçün xoşagəlməz bir sürpriz olan Azərbaycan yenilgisi var. Amma qrupda hələ də ikincilik baxımından ən iddialı komanda olduğumuzu görürük. Səbrli olmalıyıq. Türkiyə millisinin uğurunun nə demək olduğunun fərqindəyik. Fevral ayında bir hazırlıq matçımız var. Daha sonra mart ve aprel aylarında qrup matçları olacaq. Avstriya və Belçika ilə oyunlarda yaxşı nəticələr qazanacağımıza inanıram”.
