7 dekabr 2010 17:16
Qurban Qurbanov: Bunu aradan qaldıra bilmədik
Qarabağ`ın baş məşqçisi Qurban Qurbanov bu gün keçirilən Turan`la kubok oyunu haqda fikirlərini açıqlayıb. Azerisport.az xəbər verir ki, doğma meydanda heç kimin gözləmədiyi halda, penalti seriyasında sensasion şəkildə uduzan və kubokdan kənar qalan Ağdam klubunun çalışdırıcısı oyundan sonrakı mətbuat konfransında bunları dilə gətirib:
“Turan`a və baş məşqçisinə həmişə hörmətlə yanaşmışam. Bugünkü oyunda çoxlu qol imkanlarımız oldu. Amma futbolçularımda arxayınçılıq hiss olunurdu, bunu aradan qaldıra bilmədik. Oyunun nəticəsini penaltilərə kimi həll etməli idik. Penalti - lotereyadır, kimin qalib gələcəyini demək mümkün deyil. Ən çətin oyunlarım həmişə Turan`a qarşı olub. Tovuz futbolunun yetirmələrində həmişə qələbə həvəsi olub, Turan`ı qələbə münasibəti ilə ürəkdən təbrik edirəm. Sona kimi mübarizə apardılar və qələbə qazandılar. Bu məğlubiyyət bizim üçün daha bir zərbədir. Bundan sonra çətin oyuna gedirik, gücümüz məhz indi bilinməlidir. Çalışacağıq ki, qələbə qazanaq”.
