7 dekabr 2010 18:11
Əfsanəvi futbolçumuz: Nəyə lazımdır bu qədər əcnəbi məşqçilər, futbolçular?
Gələn il 70 illik yubileyini qeyd edəcək əfsanəvi futbolçularımızdan olan Yaşar Babayev “Toplu Bakı” jurnalına müsahibə verib. Azerisport.az xəbər verir ki, Neftçi`nin canlı əfsanəsi həmin müsahibəsində bir sıra maraqlı məsələlərə toxunub. Onun xüsusilə futbolumuzun hazırkı durumu haqda söylədikləri aşağıdakı fikirlər maraq doğurur:
“Klublarda uşaq futbolçuları yetişdirən məşqçilərin işinə diqqətlə yanaşmaq lazımdır. Bu gün tutulan səhv yol sabah yetişən nəslə mənfi təsir edə bilər. Təklif edirəm ki, hər komandada ən azı 6-8 məşqçi çalışsın. Hər mövqe üzrə. Yarımmüdafiəçilərlə - yarımmüdafiəçi, hücumçularla – hücumçu, müdafiəçilərlə - müdafiəçi. Bu halda uşaqlar sürətlə yetişəcək, təcrübi məşğələlərdə qazandıqlarını meydanda tətbiq edəcəklər. Bir də istəyirəm biləsiniz: - Anatoli Banişevskiləri, Əhməd Ələsgərovları, Kazbek Tuayevləri yerli məşqçilər yetişdirməyibmi? Nəyə lazımdır bu qədər əcnəbi məşqçilər, futbolçular? Onlar Azərbaycanlı psixologiyasını bizimkilərdən yaxşı bilə bilməz. Buna diqqət yetirilsə, yaxşı olar”.
