7 dekabr 2010 11:09
UEFA Joze Mourinyo haqda çıxardığı qərarlarda dəyişiklik etdi
UEFA-nın Apelyasiya Komitəsi noyabrın 23-də Çempionlar Liqasının qrup mərhələsi çərçivəsində Amsterdamda keçirilən Ajax - Real oyununda baş verənlərlə bağlı qərarında dəyişikliklər edib. Azerisport.az xəbər verir ki, qərarda həm baş məşqçi Joze Mourinyo haqda çıxarılan sərt qərarlar bir qədər yüngülləşdirilib:
Real 120 min avro əvəzinə 100 min avro, baş məşqçi Joze Mourinyo 40 min avro əvəzinə 30 min avro cərimələnib. Həmçinin məşqçi bir oyunluq cəza alıb. O, ÇL-in bu çərşənbə qrup mərhələsi çərçivəsində keçiriləcək Real - Oser oyununu buraxmalı olacaq.
Xatırladaq ki, əvvəlcədən təyin olunmuş cəza bir oyunluq mütləq və sınaq müddəti üç il olmaqla daha bir oyunluq şərti cəza idi.
UEFA Nizam-İntizam komitəsinin Real`ın oyunçuları Xabi Alonso, Serxio Ramos (müvafiq olaraq (25 min avro) və qapıçı İker Kasilyasa (10 min avro) kəsdiyi cəza qüvvədə qalır. Yeji Dudek (5 min avro) da eyni aqibəti yaşamalı olub. Həmçinin Alonso və Ramosun bir oyunluq cəzası da qüvvədə qalır.
