7 dekabr 2010 11:56
Ajax baş məşqçisiz qaldı
Hollandiyanın Ajax klubunun baş məşqçisi Martin Yol istefa vermək qərarına gəlib. Azerisport.az xəbər verir ki, bu haqda klubun rəsmi saytı xəbər yayıb.
Məlumatda bildirilir ki, 54 yaşlı hollandiyalı mütəxəssisin klubla müqaviləsi öz istəyilə dayandırılıb. Lakin Ajax rəhbərliyi onunla əməkdaşlığı davam etdirmək istəyir.
Baş məşqçi səlahiyyətlərini isə hələlik müvəqqəti olaraq, Frank de Bur icra edəcək. Hollandiya yığmasının sabiq müdafiəçi 2008-ci ildən Ajax`ın məşqçilər heyətində yer alır.
Maraq üçün qeyd edək ki, Ajax, 17 turu geridə qalan Eredivisie`da 32 xalla lider PSV`dən 5 xal geri qalmaqla, 4-cü pillədə qərarlaşıb. Çempionlar Liqasınən G qrupunda isə beş matçdan sonra cəmi 4 xal qazanan komanda UEFA Avropa Liqasına vəsiqə üçün mübarizə aparır.
