8 dekabr 2010 01:53
Millimizin kapitanı Beşiktaş`la oyunun hazırlıqlarına başladı
Türkiyə Superliqasının son turunda Kayserispor`la səfərdə heç-heçə edən Eskişehirspor növbəti oyunun hazırlıqlarına istirahət etmədən başlayıb. Azerisport.az qardaş ölkə mətbuatına istinadən xəbər verir ki, millimizin aparıcı müdafiəçisi Rəşad Sadıqovun komandası qarşıdakı turda üz-üzə gələcəyi Beşiktaş`la oyuna klubun bazasında hazırlaşır.
Artıq 4 həftədir ki, yaşıl meydanlardan kənar qalan həmyerlimiz nəhayət ki, komandayla ümumi məşqlərə start verib. Artıq komandanın aparıcı hücumçusu Ümit Karan da daxil olmaqla, köhnə zədəlilərin forma geymək üçün hansısa probleminin olmadığı bildirilir. Bu mənada yalnız son oyunda sıradan çıxan Tello və Volkan`ın komandadan ayrı çalışdığı xəbər verilir.
