8 dekabr 2010 02:17
Ceyhun Sultanov: Gəncə 2:6-nı unutmayıb
Gəncə`nin yarımmüdafiəçisi Ceyhun Sultanov azerisport.az-a müsahibəsində Azərbaycan kubokunun 1/8 final finalında bu gün keçiriləcək Neftçi`ylə oyun barədə ümidlərindən danışıb.
- Neftçi`yə qarşı keçiriləcək kubok oyununa hansı ümidlər bəsləyirsiniz?
- Bütün komandada ümumi köklənmə var. Bu mərhələdə hər şeyi bir oyun həll edəcək. Qələbə qazansaq, yolumuza davam edəcəyik. Biz rəqibə hörmət edirik. Ancaq gizlətmirik ki, qələbə üçün hər şeyə getməyə hazırıq.
- Ancaq Neftçi həm çempionatda yaxşı gedir, həm də heyətinə görə sizi qabaqlayır...
- Bunu hələ sübut etmək lazımdır. Şanslar bərabərdir. Neftçi Gəncəyə gəlir. Bunu da unutmayın. Azarkeşlərimiz bizi tək buraxmırlar, hətta məşqlərə də gəlirlər. Ab-hava tam başqa olacaq.
- Yeri gəlmişkən, Azərbaycan çempionatının son oyununda Gəncə azarkeşləri komandadan ilk dövrədəki 2:6-nın əvəzini bu rəqibdən çıxmağı tələb edib...
- Komanda hələ bu oyunu unutmayıb. Gəncə gərək bu hesabla məğlub olmayaydı. Biz oyunu əla başladıq. Amma oyunçumuz qovulduqdan sonra hər şeyi itirdik. Neftçi mükəmməl hücum edirdi. Onların yaxşı hücumçuları var. Çərşənbə günü bizim işimiz çox olacaq.
- İlk növbədə Nasimovu nəzərdə tutursunuz?
- Düzünü desəm, Flavinyo daha çox yadımda qalıb. Hə, Nəsimov əla oyunçudur. Ancaq ab-havanı komandada eyni dərəcədə braziliyalı da qururdu. Təəssüf ki, o, zədə alıb. Buna baxmayaraq onsuz da “ağ-qaralar” bizim yarımmüdafiəni mümkün olduqca tez dəf etməyə çalışacaqlar. Əgər onlara bunu etməyə imkan versək, onda bütün oyunu itirəcəyik.
- Buna görə də açıq futbolu unutmaq lazımdır?
- Bunu heç kim vəd etmirdi. Belə püxtələşmiş komanda ilə oyunda birdən-birə hücum haqda necə düşünmək olar? İlk növbədə gərək müdafiədə səhv etməyək.
- Gəncə çempionatın ilk “altılığ”ına düşməyin çox çətin olacağını nəzərə alaraq bütün diqqətini kuboka yönəldib?
- Bizim hələ də “altılığ”a düşmək şanslarımız var. Sadəcə kubok oyunlarına fərqli həvəslə yanaşırıq. Həm də yalnız biz yox. Gəncə`yə varlığını sübut etmək müyəssər olub. Sonrakı oyunlara yaxşı köklənmək üçün bizə Neftçi üzərində qələbə çox vacibdir.
