8 dekabr 2010 15:24
Matteus: İstəyirəm, bizdə də Azərbaycanda olduğu kimi investisiyalar olsun
Futbol üzrə Bolqarıstan yığmasının baş məşqçisi Lotar Matteus bolqar futbolunda nələrin çatışmadığını bildirib. Azerisport.az xəbər verir ki, almaniyalı mütəxəssis bu haqda danışarkən, Azərbaycan futbolundan da bəhs edib:
“DÇ-94-ün keçmiş xatirəsi ilə yaşamaq olmaz. Biz 2010-cu ildə yaşayırıq və bolqar futbolunda neqativ dəyişikliklər baş verir. Birincisi, oyunçuların keyfiyyəti başqa Avropa ölkələrindən aşağıdır. İkincisi, on il qabaq Bolqarıstandan geridə və uzaqda olan ölkəni misal çəkə bilərəm ki, gəlib Bolqarıstana çatmış, həm də ötüb keçmişlər. Söhbət Azərbaycandan gedir. Orada futbola xeyli investisiyalar mövcuddur və hakimiyyət onların arxasında möhkəm dayanır. Ona görə də mən burada hadisələrin belə inkişafını istərdim ki, gənc istedadların inkişafına imkan olsun” - deyə Matteus bolqar mətbuatına açıqlamasında bildirib.
