8 dekabr 2010 18:27
Mirça Rednik: Bizim üçün bu qarşılaşma ciddi bir məşq idi
Xəzər Lənkəran`ın baş məşqçisi Mirça Rednik bu gün keçirilən ölkə kubokunun 1/8 final mərhələsinin MKT-Araz`la oyunu haqda fikirlərini bölüşüb. Azerisport.az xəbər verir ki, cənub klubunun çalışdırıcısı 3:1 hesablı qələbə qazandıqları görüşdən sonra bunları açıqlayıb:
“Gördüyünüz kimi bugünkü qarşılaşmada əsas heyətin bir çox futbolçuları oynamırdı, əvəzedici heyətin futbolçularına şans verdik. Bəzi futbolçular özünü yaxşı tərəfdən göstərdi. Bizim üçün bu qarşılaşma ciddi bir məşq idi. Artıq Premyer Liqanın növbəti turunda Gəncə ilə keçirəcəyimiz oyuna hazırlaşacağıq. İlk dövrədəki məğlubiyyəti unutmamışıq”.
