9 dekabr 2010 14:51
Zeynal Məmmədov: Əsl gücümüz Neftçi ilə oyunda bilinəcək
Bakı rəhbərliyi komandanın ölkə kubokunun 1/8 final mərhələsində Muğan`a qarşı sərgilədiyi oyundan narazı qalıb. Bu haqda paytaxt klubunun baş meneceri Zeynal Məmmədov azerisport.az saytına açıqlamasında bildirib:
“Muğan`la oyundan narazı qaldıq. Mən ümumiyyətlə oyun vaxtı bizim oyunçulara baxa bilmirdim. Elə bil ki, bu, Bakı deyil. Biz ilk 90 dəqiqədə qələbəni təmin etməyə borclu idik. Oyunun taleyinin penaltilər seriyasında həll olunmasına imkan verməməliydik. Düşünürəm ki, bizim əsl gücümüz Neftçi ilə oyunda bilinəcək. İstənilən başqa nəticə bizi qane etmir. Qarşıdakı oyundan mütləq qələbə qazanmalıyıq. Çünki həddən artıq çox xal itirmişik”.
