9 dekabr 2010 15:54
Ndoye Xəzər Lənkəran`la Rapid arasında seçim etməlidir
Xəzər Lənkəran`ın baş məşqçisi Mirça Rednikin komandasına gətirmək istədiyi seneqallı futbolçu Osman Ndoye transferə çıxarılıb. Azerisport.az xəbər verir ki, Rumıniyanın Dinamo (Buxarest) klubunun şərəfini qoruyan futbolçu gələcək karyerasından danışarkən, Lənkəran klubuna mümkün keçidinə də toxunub:
“Artıq Dinamo`da qalmaq istəmirəm. Çox güman ki, qışda komandanı tərk edəcəm. Mənimlə hazırda Xəzər Lənkəran və Rapid maraqlanır. Lənkəran klubunun rəhbərliyi mənə görə 23 min avro ödəməyə də hazırdır. Lakin Dinamo rəhbərliyi 30 min avro tələb edir. Hazırda iki klub arasında seçim qarşısında qalmışam. Bilmirəm, Xəzər Lənkəran`ı seçim, yoxsa Rapid`i”.
