10 dekabr 2010 13:36
Beşiktaş Sadıqovun komandasıyla oyuna 17 futbolçuyla getdi
Türkiyə Superliqasının 16-cı turunda Eskişehirspor ilə qarşılaşacaq Beşiktaş səfərə cəmi 17 futbolçu ilə çıxıb. Azerisport.az xəbər verir ki, bu haqda xəbəri qardaş ölkə mətbuatı yayıb.
Adətən səfərə oyun günü çıxmağa üstünlük verən baş məşqçi Bernd Şuster millimizin kapitanı Rəşad Sadıqovun çıxış etdiyi Eskişehirspor`la oyun ərəfəsində də eyni addımı atıb. Onun bu səhər açıqladığı heyət isə demək olar ki, döyüşdə qırılan ordunu xatırladır. Məsələ burasındadır ki, Fatih Tekke, Yusuf Şimşek, Rıdvan Şimşek kimi icazəli oyunçularla yanaşı, zədələri olan Kuaresma, Bobo, Nobre, Ferrari, Rüştü Reçber, Ekrem Dağ, Nihat Kahveci və Onur Bayramoğlu bu axşam keçiriləcək səfər oyununa aparılmayıb. Nəticədə Beşiktaş həmyerlimizin komandasıyla oyuna cəmi 17 oyunçuyla gəlib ki, bu da heç matçın iştirak ərizəsini tam doldurmağa imkan vermir.
