10 dekabr 2010 01:36
Beşiktaş və Bursaspor`a gözlənilən sərt cəza gəldi
Ötən həftə Türkiyə Superliqasının 15-ci turu çərçivəsində keçirilən Beşiktaş - Bursaspor matçı zamanı yaranan böyük qalmaqalın gətirdiyi cəzalar ağır olub. Azerisport.az qardaş ölkə mətbuatına istinadən xəbər verir ki, azarkeşlərinin bir-biriylə bıçaq davasına çıxdığı, bir neçə nəfərin yaralanmasıyla nəticələnən dava klublara baha başa gəlib.
Beşiktaş`ın Bursaspor`u 1:0 məğlub etdiyi matçın öncəsində yaranan qarşıdurmanı müzakirəyə çıxaran Türkiyə Futbol Federasiyasının Nizam-İntizam Komitəsi meydan sahiblərinə “iki oyun neytral meydanda azarkeşsiz oynama” cəzasıyla yanaşı, 35 min TL pul cəriməsi kəsib. Eyni qarşılaşmada azarkeşlərinin yaratdığı qalmaqallara görə, Bursaspor`a da “iki mayç tərəfdarsız oynama” cəzası verilib.
Verilən cəzalara görə Bursaspor, Superliqanın 16-cı turunda Kasımpaşa, həmçinin Türkiyə kubokundakı İstanbul BB matçlarını azarkeşsiz oynayacaq. Beşiktaş isə 17 turda Gaziantepspor matçıyla yanaşı, kubokun Konya Şekerspor matçını neytral meydanda, özü də azarkeşsiz oynamaq məcburiyyətində qalıb.
