10 dekabr 2010 15:38
Kəpəz`in futbol səhnəmizə qayıdışı rəsmiləşir
Gəncə Regional Futbol Federasiyasının sədri, Milli Məclisin deputatı Xanlar Fətiyev və `Kəpəz` futbol klubunun keçmiş baş məşqçisi, üçqat Azərbaycan çempionu Mehman Allahverdiyev mətbuat konfransı keçiriblər. Azerisport.az xəbər verir ki, konfransın əsas mövzusu ölkənin futbol xəritəsində `Kəpəz` adlı yeni komandanın yaranması olub.
Bəli, məhz `Kəpəz` - üçqat Azərbaycan çempionu, Azərbaycan kubokunun dördqat sahibi, qayıdır. Bu o demək deyil ki, `Gəncə` ləğv ediləcək. Sadəcə şəhərdə iki komanda olacaq. Düzdü, hələ məlum deyil ki, bu qonşuluq nə qədər mehriban olacaq.
Bir məsələyə dəqiq şübhə etmək olmaz - titullar ətrafında mübahisəyə. İndiki `Gəncə` klubunun emblemində 1959 ili yazılıb. Bu tarix, Kirovabad `Dinamo`sunun yarandığı tarixdir ki, klubun xələfi bir vaxtlar `Kəpəz` olub. Sonralar isə adını `Gəncə`yə dəyişib. Məhz Fuad İsmayılovun yetirmələri hazırda üçqat Azərbaycan çempionu adını daşıyır. Əgər `Kəpəz` qayıtsa, bu adlar onlara qayıdacaq?
Lakin bu, hələ əsas sual deyil. Hələ komandanı kimin maliyyələşdirəcəyi aydın deyil. Ancaq Fətiyevin sözlərinə görə, artıq potensial sponsorlarla danışıqlar aparılır və mülahizələrə görə qayıdış 2011-ci ilin yanvarına nəzərdə tutulur. Çempionatda iştirakı yeniləmək isə gələn mövsümə planlaşdırılır (`Kəpəz` birinci divizionda çıxış edəcək). Bütün bunların uğurlu sonluğuna çətin ki, şübhələr olsun.
Allahverdiyev mətbuat konfransında səbəbsiz iştirak etməyib. Yenidən futbol səhnəsinə qayıdan komandanın baş məşqçisi məhz o olacaq: “Bizdə həm təcrübəli, həm də gənc futbolçular oynayacaq. Məqsəd – Premyer Liqaya çıxmaqdır”.
