11 dekabr 2010 16:12
Ermənilər Azərbaycan çempionuyla oynamağa komanda tapmır
Gələn ilin yanvar ayında Sankt-Peterburqda keçiriləcək “Birlik kuboku”nda iştirak etməkdən boyun qaçıran son Ermənistan çempionu `Pünik`i əvəzləmək istəyən komanda yoxdu. Azerisport.az xəbər verir ki, sözügedən turnirin təşkilat komitəsi artıq neçə gündür ki, məhz ermənilərə görə, püşkatma mərasimini də həyata keçirə bilmir.
Məsələ burasındadır ki, son çempionun Rusiyaya yollanmaqdan imtina etməsindən sonra ermənilər gümüş mükafatçı `Banants`ın adını təşkilatçılara göndərmişdilər. Lakin maraqlıdır ki, bu komanda da “Birlik kuboku”nda iştirakdan boyun qaçırıb. Bürünc mükafatların sahibi `Ulis`in də imtinasından sonra ermənilənrin qonşu ölkəyə hansı komandanı göndərəcəyi sual altında qalıb.
Qeyd edək ki, qarşıdakı “Birlik kuboku”nda ölkəmizi son çempion `İnter` təmsil edəcək.
