11 dekabr 2010 19:46
`Qəbələ` Yamayka və Danimarka millisinin oyunçularını alır
`Qəbələ` qış fasiləsində güclənmək fikrindədir. Azerisport.az Britaniya mətbuatına istinadən xəbər verir ki, bölgə təmsilçisinin baş məşqçisi Toni Adams Luton Şelton və Brayan Priskenin yanvarda komandaya qoşulmasına ümid edir.
Qeyd edək ki, Şelton `Valerenga` (Norveç) və Yamayka yığmasının hücumçusudur. 25 yaşlı futbolçu `Harbour` (Yamayka), `Helsingborgs` (İsveç) və `Sheffield United` (İngiltərə) klublarında çıxış edib.
Brayan Priskeyə gəlincə, onun 33 yaşı var. `Aalborg` (Danimarka), `Genk` (Belçika), `Portsmouth` (İngiltərə), `Brugge` (Belçika) və `Midtjylland` (Danimarka) klublarının şərəfini qoruyub. Priske Danimarka yığmasında 24 oyun keçirib.
