11 dekabr 2010 11:26
Paytaxt derbisinə Şarliya, Skuliç və Hacıyevsiz
`Bakı` Premyer Liqanın 17-ci turunun bu gün keçiriləcək `Neftçi` ilə səfər oyununa hazırlığını başa vurub. Azerisport.az xəbər verir ki, komandanın oyun öncəsi son məşqi klub bazasında gerçəkləşib.
Əvvəlcə təbii örtüklü meydanda dairəvi qaçış çalışmalarını yerinə yeturən futbolçular ardından kiçik meydançada fiziki təmrinləri yerinə yetiriblər. Bundan sonra toplu məşğələlərə start verilib. Qapıçılar – Aqil Məmmədov və Xalidu Sissiko ayrıca məşq keçiblər. Digər qolkiper Marko Şarliya isə çiyinindən aldığı zədə səbəbindən məşqə qatılmayıb. O, komanda yoldaşı Ernad Skuliçlə birgə trenajor zalında əzələlərin bərpası üzrə hərəkətlərlə məşğul olub.
Məşq ikitərəfli oyunla yekunlaşıb. Məşq prossesində ümumilikdə 3 futbolçu iştirak etməyib: Marko Şarliya, Ernad Skuliç və Rəhman Hacıyev. Cərrahiyyə əməiyyatına məruz qalan Rəhman məşqi kənardan izləyənlər arasında olub. Saat yarım davam edən məşq prossesinin ardından futbolçular bazasındakı otaqlarına çəkilərək oyun zamanını gözləməyə başlayıblar.
