11 dekabr 2010 00:01
UEFA AFFA-ya yardım ayırdı
UEFA İcraiyyə Komitəsinin növbəti iclası keçirilib. Azerisport.az xəbər verir ki, Çexiyanın paytaxtı Praqada baş tutan iclasda bir sıra maraqlı qərarlar qəbul olunub.
Həmin qərarlardan biri quruma üzv olan 53 futbol futbol assosiasiyasına maliyyə yardımının ayrılması ilə bağlıdır. Bu vəsait federasiyalara Avropada futbolun inkişafına xidmət edən “Het trik” proqramı çərçivəsində ünvanlanıb. Sözügedən yardım digər federasiyalar kimi, AFFA-ya da şamil olunacaq.
2012-2016-cı illəri əhatə edən proqrama əsasən, hər federasiya UEFA-dan 3 milyon avro yardım almalıdır. Bundan başqa, proqramın həyata keçiriləcəyi dörd il ərzində UEFA hər il federasiyalara 1,5 milyon avro verəcək. Bütun bunların müqabilində isə federasiyalar ölkələrində klubların lisenziyalaşdırma məsələsini həll etməli, aparıcı yarışlar hesab olunmayan turnirlərə qatılmalı, UEFA-nın Məşqçilər Konvensiyasına və Kütləvi Futbol Xartiyasına üzv olmalıdır.
