11 dekabr 2010 12:49
Rəşad Sadıqovun komandası 29 illik həsrətə son qoydu
Millimizin kapitanı Rəşad Sadıqovun komandası `Eskişehirspor` bu həftə Türkiyə Superliqasının cari mövsümündə bir ilkə imza atdı. Azerisport.az xəbər verir ki, eskişehirlilər geridə qalan 16 turda 4-cü qələbəsini bayram edərkən, ilk dəfə iki top fərqiylə 3 xala sahib çıxdı. Qeyd edək ki, `Beşiktaş` üzərində qazanılan 2:0 hesablı qələbəyə kimi `Eskişehirspor` `Manisaspor` və `Karabükspor` qarşısında 2:1, `İstanbul BB` ilə oyunda isə 1:0 hesabıyla qalib gəlmişdi.
Lakin həmyerlimizin komandasının ən böyük uğuru 29 illik sindroma son qoyması oldu. Məsələ burasındadır ki, `Eskişehirspor`, dünənki oyundan öncə sonuncu dəfə `Beşiktaş`ı 1980-81 mövsümündə səfərdə 1:0 yenməsiylə təsəlli tapırdı. Həmin dövrdən bəri oynanılan 19 matçda 16 yenilgi və 3 heç-heçə alan eskişehirlilər nəhayət ki, bu uzun müddətli sindromu qıra bildilər.
