13 dekabr 2010 17:36
Xaqani Məmmədov Tuyqun Nadirovun cavabını verdi
AFFA Hakimlər Komitəsinin sədri Xaqani Məmmədov `Xəzər Lənkəran` futbol klubunun vitse-prezidenti Tuyqun Nadirovun bu gün saytımıza verdiyi müsahibədə səsləndirdiyi ittihamlara münasibətini açıqlayıb. Azerisport.az saytına açıqlamasında komitə sədri, Nadirovun hakimlərin fiziki çatışmazlıqları haqda səsləndirdiyi fikirləri, eləcə də mərkəzi oyunların türkiyəli hakimlərə tapşırılması haqda dediklərini belə dəyərləndirib:
“Əgər o belə deyirsə, onda qoy öz futbolçularını və məşqçilərini mərkəzi arenaya gətirsin. Qoy onlar da hakimlərlə birgə eyni testlərdən keçsinlər. Baxaq görək kimin fiziki göstəriciləri daha pis, daha yaxşıdı? Bizim hakimlərimizin fiziki hazırlığı Avropada da ən yaxşılardandı. Normativ üzrə 2700 metr məsafə üçün nəzərdə tutulan vaxtda bizim hakimlər 3400-3500 metr məsafə qaçırlar. Mən bilmirəm Tuyqun Nadirov belə informasiyaları hardan tapıb, belə çıxışlar edir. O, öz klubunun işləri ilə məşğul olsaydı, daha yaxşı olardı. Türkiyəli hakimlərin dəvət olunmasına gəlincə, onların nə işlə məşğul olduğunu biz görürük. Onların köməyinə ehtiyac duymuruq”.
