13 dekabr 2010 11:47
AFFA-dan xarici klublarda oynayan soydaşlarımıza müraciət
AFFA milli komandaların şərəfini qorumaq üçün son 2 il ərzində həyata keçirdiyi və bir sıra uğurlu nəticələr əldə etdiyi layihəsini - xarici klublarda oynayan soydaşlarımızın axtarışını davam etdirir. Azerisport.az xəbər verir ki, bununla əlaqədar olaraq futbol qurumu xarici klublarda oynayan Azərbaycan əsilli futbolçulara müraciət etmək qərarına gəlib.
Müraciətdə müxtəlif yaş qruplarından ibarət yığma və “A” milli komandada oynamaq arzusunda olan futbolçuların bu istəklərini federasiyaya bildirmələri xahiş olunur. Bildirilir ki, müraciət edən futbolçularla operativ olaraq əlaqə saxlanılacaq və onlar yığma komandaların növbəti toplanışlarına yoxlanış üçün dəvət olunacaq.
