15 dekabr 2010 13:12
Foqts Azərbaycanda ilin ən yaxşı futbolçularının adını açıqladı
Futbol üzrə əsas milli komandamızın baş məşqçisi Berti Foqts Azərbaycanda 2010-cu ilin ən yaxşı futbolçusunun adını açıqlayıb. Azerisport.az xəbər verir ki, almaniyalı mütəxəssis bu barədə fikirlərini belə izah edib:
“Mən hesab edirəm ki, bu, Rəşad Sadıqovdu. Bəzən o, formada olmurdu. Ancaq Avstriya və Türkiyə ilə oyunlarda məhz onun varlığı həlledici oldu. Hər halda mən belə düşünürəm. İkinci yerdə isə Rauf Əliyevi göstərə bilərəm. Gənc hücumçu `Qarabağ`ın heyətinə düşməyə başladı. Üçüncü yerdə isə Ruslan Abışovdu. O, Türkiyəyə qarşı fövqəladə oyun sərgilədi. Onun oyunu oxuması çox xoş təsir bağışladı”.
