15 dekabr 2010 01:37
Opara məşqlərə başladı, Parks isə kənarda qaldı
Premyer Liqanın növbəti turunda səfərdə MOİK-lə qarşılaşacaq `Xəzər Lənkəran` bu oyuna doğma divarlar arasında hazırlaşır. Azerisport.az xəbər verir ki, dünən Lənkərana yollanan Mirça Rednikin komandası axşam saatlarında `Fırtınalar meydanı`nda məşqə çıxıb.
Komandanın əsas hücumçularından olan Uinston Parks yüngül zədəsi olduğundan sözügedən məşq prosesində iştirak edə bilməyib. Az da olsa, düşərgədə sevinc doğuran əsas məqamlardan biri isə uzun müddətdi lənkəranlı azarkeşlərin qayıdışını gözlədiyi Emeka Oparanın fərdi məşqlərə başlaması olub. Əsasən Mihay Tejanın rəhbərliyi ilə fərdi olaraq çalışan nigeriyalı futbolçu artıq özünü yaxşı hiss edir və zədəsini tamamilə sağaldıb. Əməliyyatdan sonrakı bərpa prossesini da uğurla başa vuran Opara, hələ bir müddət fərdi məşqlrələ kifayətlənməli olacaq.
Bütövlükdə isə, futbolçuların yol yorğunluğunu nəzərə alan Rednik yetirmələrinin bir saatlıq məşq etməsiylə kifayətlənməyi lazım bilib.
