15 dekabr 2010 19:12
Argentina Braziliyanın 10 illik hegemonluğuna son qoydu
Argentina, futbolçu ixracına görə Braziliyanın son 10 ildəki hegemonluğuna son qoyub. Azerisport.az xəbər verir ki, bu ölkənin klubları 2009-2010 illəri aralığında ölkə xaricinə təxminən 1800 futbolçu göndərib.
Əslində isə son illər bir qayda olaraq əcnəbi futbolçu deyiləndə, sadəcə braziliyalılar ağıla gəlirdi. Bu ölkənin təmsilçiləri bu gün də öndə gedənlərdəndi. Lakin artıq argentinalılar qədər yox. Aparılan araşdırmalara görə, son bir il ərzində Braziliya xaricə 1440 futbolçi ixrac edibsə, argentinalılarda bu rəqəm 1800 olub.
Qeyd olunur ki, argentinalıların dünya bazarındakı çəkisinin bu şəkildə artımında Lionel Messinin böyük rolu var. Ölkədən ayrılan bir çox futbolçu hələ aşağı yaş qruplarından ibarət komandalarda forma geyən 14-15 yaşlı uşaqlardı.
