15 dekabr 2010 19:26
Millimizin “yeni İbrahimoviç”i
Jiloan Hamad – uşaqlıqda valideynləri ilə yeni həyat axtarışında Şərqi Avropanı tərk edərək qitənin şimalına gedən insanlardandır. İsveç Bakı sakininə və ailəsinə sığınacaq oldu. Hamad Erebru şəhərinin `Forvard` futbol klubunun məktəbinə daxil oldu. İki il sonra isə onu `Malmö`nün skautları diqqətə aldılar və baxışa aldılar.
Nəticədə Hamad özü üçün yeni olan ab-havaya öyrəşdi və 2010-cu ildə İsveç çempionluğunu qazandı. `Malmö`də mövqeyini dəyişdi: əgər əvvəllər məşqçilər onu hücumçuların arxasında görürdülərsə, indi o, daha çox cinahlarda çıxış edirdi. Həm də Hamad üçün hansı cinahda oynamağın fərqi yoxdur - sağ və ya sol.
Azerisport.az xəbər verir ki, Hamad `Malmö`nün heyətində 48 oyunda 5 qol vurub və onu gənclər yığmasına dəvət ediblər. Burada da fərqlənməyə - Bolqarıstanın qapısına qol vurmağa imkan tapıb. Mövqe fərqlərinə baxmayaraq onu “yeni İbrahimoviç” adlandırırlar. Bu isə İsveçdə layiqli tituldur. Ancaq “Nyu-İbra” hələ ölkənin əsas komandasına çağırılmayıb və Azərbaycan (doğulduğu ölkə) onu öz sıralarına qatmaq üçün hər şey etməyə cəhd edir. Ancaq İsveçdə ən alicənab perspektivləri cızılan gənc, Azərbaycan yığmasında oynamağa razı olacaqmı?
Sözsüz, AFFA-nın Azərbaycanda doğulmuşların və ya xaricdə çıxış edən etnik azərbaycanlıların yığmaya cəlb etmək təşəbbüsü əsl çağırışdır. Ancaq axtarış obyektləri bunu qiymətləndirəcəkmi?
20 yaşlı Hamadın özü müsahibələrində Azərbaycanda doğulduğunu hələ bir dəfə də deməyib və bu haqda bizi yalnız İsveç çempionatının rəsmi saytında ərizə məlumatlandırır. Əgər o, Azrəbaycanı seçərsə, elə həmin İsveçdə legioner hesab olunacaq. Pasport isə Avropada həmişə böyük əhəmiyyət kəsb edib.
