15 dekabr 2010 11:43
Krespo `Fiorentina`nı təkbaşına kubokdan kənarlaşdırdı
İtaliya kubokunun 1/8 final mərhələsinin daha bir oyunu keçirilib. Azerisport.az xəbər verir ki, `Parma` doğma divarlar arasında `Fiorentina`nı qəbul edib.
Böyük maraqla gözlənilən bu prinsipial qarşılaşmada əsas vaxtda tərəflər qol vurmağa nail ola bilməyib. Nəticədə qalibi müəyyənləşdirmək üçün əlavə vaxt təyin edilib. Nəhayət matçın 114-cü dəqiqəsində D`Agostinyonun zərbəsindən sonra dirəkdən dönən topu Santana tora qovuşduraraq, qonaqları hesabda önə keçirib. Lakin florensiyalıların sevinci uzun sürməyib. Cəmi bir dəqiqə sonra Krespo hesabı bərabərləşdirib. 117-ci dəqiqədə yenə argentinalı hücumçu səhnəyə çıxıb və komandasını növbəti mərhələyə çıxan qola imza atmaqla, `Fiorentina`nın kubokdan kənarlaşmasına səbəb olub. `Parma` isə adını ən güclü 8 komanda arasına yazdırıb.
