16 dekabr 2010 01:53
Türkiyənin daha bir klubu tarixin yaddaşına köçür
Türkiyənin daha bir köklü klubu tarixin yaddaşına köçür. Öncə` Ankaraspor`, indi də `Ankaragücü`... Azerisport.az xəbər verir ki, Türkiyə futbol ictimaiyyəti ötən il `Ankaraspor`un fəaliyyətini dayandırmasına üzülmüşdü. İndi də maliyyə problemləri ucbatından iflasa uğrayan paytaxtın digər təmsilçisi - `Ankaragücü` “həyatdan köçür”.
Bu haqda klub prezidenti Ahmet Gökçek məlumat verib. İflasa uğradığını açıqlayan klub rəhbəri, istefa verməyə hazırlaşdığını, gələn həftə bu haqda idarə heyəti ilə birgə tam rəsmi açıqlama veriləcəyini də bildirib. Bazar ertəsi günündən etibarən komanda üzvlərinin 95 faizinin sərbəst olduğunu ifadə edən Gökçek, onların istədikləri komandaya getməsinin mümkünlüyünü də bəyan edib.
