16 dekabr 2010 14:34
Premyer Liqa klubundan məşqçisinə ultimatom: 3 oyundan 1-ni qazan, postunda qal
İngiltərə Premyer Liqasında mübarizə aparan `West Ham` rəhbərliyi deyəsən israilli baş məşqçisi Avram Qrantı postundan qovmaqda israrılıdır. Azerisport.az xəbər verir ki, bu günlərdə `Blackburn Rovers`in baş məşqçisi postundan qovulan Sam Allardaysı Qrantın yerinə gətirməyi hədəfləyən klub rəhbərliyi, hazırkı çalışdırıcısıyla yollarını ayırmağın planlarını cızır.
Məhz bu üzdən rəhbərlik artıq açıq bir şəkildə bəyan edib ki, işləri heç də yolunda getməyən `West Ham` qarşıdakı 3 oyundan ən azı birində qələbə qazana bilməsə, Qrant sorğu-sualsız istefa ərizəsini yazsın. Son 11 matçda sadəcə 1 qələbəsi olan komandanın bu uğursuz gedişata son qoya bilməyəcəyi halda başqa çalışdırıcıya həvalə edilməsi qaçılmaz olacaq.
