16 dekabr 2010 15:03
Rəşad Sadıqov Superliqanın növbəti turunda da ehtiyatda qalacaq
Millimizin kapitanı Rəşad Sadıqov Türkiyə Superliqasının növbəti turunun oyununda da ehtiyatda qalacaq. Azerisport.az xəbər verir ki, hələ 11-ci turun `Fenerbahçe` ilə səfər oyununda zədələnərək, sıradan çıxan `Eskişehirspor`un müdafiəçisi 16-cı turda `Kasımpaşa` ilə ev oyununda da meydana çıxa bilməyəcək.
Buna səbəb onun heç də hazırda zədədən əziyyət çəkməsi deyil. Zədəsini hələ bir müddət öncə sağaldan həmyerlimiz meydana çıxmağa hazır olsa da, baş məşqçi Bülənt Uyğun qalib heyəti dəyişdirmək istəmədiyi üçün Rəşadın ehtiyatda qalmasını istəyir. Məhz bu üzdən Sadıqov, son turda `Beşiktaş` üzərində 2 cavabsız qolla qalib gələn heyətdə yer alan müdafiəçilərdən hansı birininsə sıradan çıxmasını və ya zəif oynmasını arzulamaqla yanaşı, öz zamanını gözləmək məcburiyyətində qalıb.
