16 dekabr 2010 16:12
Cəmşid Məhərrəmov: `Bakı`sız ilk altılıq - sadəcə dəhşətli olar
`Bakı`nn kapitanı Cəmşid Məhərrəmov azerisport.az saytına müsahibəsində futbol üzrə Azərbaycan Premyer Liqasının 18-ci turu çərçivəsində `İnter`ə qarşı oyun haqda öz fikirlərini bölüşüb.
- `Neftçi` üzərində qələbədən sonra sizi çempiona qarşı görüş gözləyir. Bu oyuna hansı ümidlər bəsləyirsiniz?
- Biz `İnter`ə qalib gəlmək istəyirik. Belə ki, turnir cədvəlindəki vəziyyət hələ də bizi qane etmir. Heç-heçə haqda düşünmək belə lazım deyil. Bizi ancaq üç xal qane edər. Bilirik ki, rəqib sona qədər oynayacaq.
- `Bakı` nəyin hesabına `İnter`i məğlub edə bilər?
- Güclü komandalara qarşı oyunlarımız həmişə alınır. Maraqlıdır ki, ortabablarla həmişə xallar itiririk, amma favoritlərlə həmişə sona qədər oynayırıq. `İnter` adətən açıq futbol təklif edir. Bu isə bizə sərf edir.
- Çempionata uğursuz başlayandan sonra təsəvvür edə bilərdinizmi `İnter` üzərində qazanılacaq qələbə sizə çempiona çatmaq imkanı verəcək.
- Hazırda biz sadəcə xalları bərabərləşdirmək istəyirik. Həm də “altılıq” mərhələsinin başa çatması ərəfəsində son görüşlərdə bizi çətin oyunlar gözləyir. Bu, doğrudanda altı xallıq oyun olacaq. Biz onlara çatmaq imkanını qaçırmamalıyıq. `Neftçi`yə qarşı oynadığımız futbolu sərgiləsək, `İnter`in sadəcə şansı olmayacaq.
- Sizə əvvəllər də belə oynamağa nə mane olurdu?
- Öz potensialını açmaq həmişə mümkün olmur. Ancaq `Gəncə`yə qarşı səfər oyununda biz başa düşdük ki, hər şey plan üzrə gedir.
- `Simurq`a məğlubiyyət də planlara daxil idi?
- Bax, orada biz çox rahatlaşdıq. Həmin gün `Simurq`un gəncləri ağıllı və işgüzar oynadı. Biz isə autsayderə qarşı oynadığımızı düşünürdük və bunun da cəfasını çəkdik.
- Şayiələr gəzir ki, `Neftçi` üzərində qələbəyə görə klub rəhbərliyi sanballı mükafat vəd edib.
- Bizim mükafatlarımız həmişə sanballıdır. Ancaq biz buna görə yox, titullara görə oynayırıq. Üstəlik, hər bir insan qazanmaq istəyir. Bizim heç vaxt maliyyə problemlərimiz olmayıb.
- `İnter`ə qayıdaq. Bu çox az qol buraxan komandalardandır. `Bakı`nın hücum xəti isə hələlik özünün ən yaxşı vəziyyətində deyil. Niyə?
- Məgər komanda qələbə qazanırsa, kimin qol vurduğunun fərqi var? Lap qapıçı olsun, nə olsun? Biz `İnter`i məğlub edə bilərik - üstəlik erkən qol vura bilsək. Bizimlə baş verənlərə təqsirkar bizik. `Bakı`sız ilk altılıq - sadəcə dəhşətli olar. Əgər biz orada olmasaq, bundan pisini fikrləşmək olmaz. Hər şeydən əvvəl özümüz təqsirkar olacağıq.
