16 dekabr 2010 00:14
Son mundialın ən yaxşıları mükafatlarına qovuşdu
2010-cu ildə keçirilən son dünya çempionatının ulduzları – Dieqo Forlan, Tomas Müller və İker Kasilyas Almaniyanın Nürnberq şəhərində təşkil olunan tədbirdə mükafatlarına sahib çıxıblar. Azerisport.az xəbər verir ki, tədbirdə Frans Bekkenbauer də iştirak edib.
Daha öncə Canluisi Buffon, Oliver Kan, Fabian Bartes kimi qapıçıların layiq görüldüyü “Qızıl əlcək” mükafatına sahib çıxan Kasilyas, dünya çempionatı zamanı yalnız 2 qol buraxmasıyla bu hüququ qazanıb. Madrid `Real`ının çərçivə qoruyucusu xüsusilə final matçındakı qurtarışlarıyla ispanların ilk dəfə mundialın qalibi adını qazanmasında böyük pay sahibi olmuşdu.
Mundialın ulduzlarından biri də ən qolçü futbolçuya verilən “Qızıl buts” mükafatının sahibi Müllerdi. Alman futbolçu, Forlan, David Vilya və Uesli Sneyder ilə birgə çempionatı 5 qolla başa vurdu. Ancaq onun hesabında 3 məhsuldar ötürmənin olmasını da nəzərə alan təşkilatçılar mükafatın məhz Müllerə verilməsini lazım bilib.
Mundialın ən yaxşı oyunçusuna verilən “Qızıl buts” mükafatını isə uruqvaylı Forlan alıb. Çempionat boyunca bir-birindən gözəl 5 qol vuran Dieqo həm də Uruqvayın gözlənilmədən yarımfinala kimi irəliləməsində böyük pay sahibi idi.
