17 dekabr 2010 12:57
XL doğma şəhərdən nəzərdə tutulandan tez ayrıldı
Premyer Liqanın növbəti turu çərçivəsində sabah MOİK-lə qarşılaşacaq `Xəzər Lənkəran` Bakıya gəlib. Azerisport.az xəbər verir ki, bu oyuna doğma şəhərdə hazırlaşan Mirça Rednikin komandasının hazırlıqları demək olar ki, tam heyətlə baş tutub.
Dünən saat 11:00-da baş tutan səhər məşqi bitəndən dərhal sonra komanda Lənkəranı tərk edərək paytaxta yollanıb. Maraqlıdır ki, öncə dekabrın 17-də Bakıya getmək planlaşdırılsa da, bu, bir gün öncə həyata keçirilib. Bunun isə sadə səbəbi var. Məsələ burasındadır ki, MOİK – `Xəzər Lənkəran` oyununun Suraxanı qəsəbə stadionunda keçiriləcəyi güman olunsa da, sonradan bu oyunun “Şəfa” stadionunda keçiriləcəyi dəqiqləşdi. Bu səbəbdən də XL futbolçuların təbii örtüklü meydanda keçirilən məşqlərdən sonra “Şəfa”da çətinliklə üzləşə biləcəyini nəzərə alaraq Bakıya bir gün öncə yollanmağı lazım bilib. Komandanın paytaxtda süni örtüklü meydanların birində məşqlərini davam etdirəcəyi gözlənilir.
