17 dekabr 2010 14:48
“Nasimovun gedişi `Neftçi`yə problem yaradacaq”
Məlum olduğu kimi, `Neftçi`nin hücumçusu, vurduğu 14 qolla Azərbaycan Premyer Liqasının bombardiri olan Bahodir Nasimov Özbəkistan millisin düşərgəsinə çağırılıb. Azerisport.az xəbər verir ki, o, məhz bu üzdən 19-cu turun `Turan`la oyununda, həmçinin komandasının Türkiyə toplanışının ilk mərhələsini buraxmalı olacaq. Paytaxt klubunun baş məşqçisi Arif Əsədov onun yoxluğunu belə dəyərləndirib:
“Onun gedişi bizə problem yaradacaq. Biz Özbəkistan Futbol Federasiyasından xahiş etdik ki, futbolçu bir həftə bizimlə qalsın. Faktiki bizim hücumçumuz ora yorğun başla gedir və istirahət etməyə vaxtı olmayacaq. Həmçinin komandamızla normal hazırlıq da keçə bilməyəcək. Bütün bunlar təbii ki, bizim üçün heç də arzuolunan deyil. Bir çıxış yolu tapılmalıdı”.
