18 dekabr 2010 19:27
Şefer: Boretsin “qırmızı”sı haqlıydı, amma `İnter`in qapısına penalti verilmədi
`Bakı`nın baş məşqçisi Vinfrid Şefer bu gün keçirilən Premyer Liqanın 18-ci turunun `İnter`lə oyununda qeydə alınan 1:2 hesablı yenilginin səbəblərini izah edib. Azerisport.az xəbər verir ki, almaniyalı mütəxəssis matçdan sonrakı mətbuat konfransından bunları söyləyib:
“Hesabı açmamışdan öncə də fərqlənmək üçün bir neçə epizodumuz oldu, lakin bunlardan yararlana bilmədik. Təəssüf ki, əldə etdiyimiz üstünlüyü sonadək qoruya bilmədik, qapımızda iki qol gördük. Hesabı bərabərləşdirmək üçün bütün komanda ilə irəli atıldıq, amma buna nail ola bilmədik. Fikrimcə bu gün göstərdiyimiz baxımlı oyunla ən azı 1 xala layiq idik. Hesab oyuna görə olmadı. Boretsə verilən qırmızı vərəqə haqlı olsa da, `İnter`in qapısına penalti verilmədi”.
