19 dekabr 2010 16:51
Nazim Süleymanov: Heç-heçə ədalətli nəticə oldu
AZAL-ın baş məşqçisi Nazim Süleymanov bu gün Premyer Liqanın 18-ci turu çərçivəsində keçirilən `Qəbələ` ilə oyun haqda fikirlərini bölüşüb. Azerisport.az xəbər verir ki, “təyyarəçilər”in çalışdırıcısı 2:2 hesabıyla başa çatan görüşdən sonra bunları dilə gətirib:
“Rəqibimizin son oyunlarda məğlub olmadını və qapısını toxunulmaz saxladığını bilirdik. Biz vurduğumuz 2 qolla `Qəbələ`nin quru seriyasına son qoysaq da, əfsuslar olsun ki, qələbə qazana bilmədik. Buna isə daha çox 2 erkən qol buraxmağımız səbəb oldu. Özümüzə gec gəldik. Ancaq komandam xarakter nümayiş etdirdi. Əzmkar oyuna görə futbolçularıma minnətdaram. Heç-heçə oyunun ədalətli nəticəsi oldu”.
