19 dekabr 2010 21:44
Yeni baş məşqçisi də Vitali Kovalyova şans vermədi
Türkiyə Bank Asiya birinci divizonunda növbəti turun oyunları keçirilib. Azerisport.az xəbər verir ki, 17-ci turda İlqar Qurbanovla Ernani Pereyranın şərəfini qoruduğu `Mersin İdman Yurdu` istirahət edib. Vitali Kovalyovun komandası `Kartalspor` isə doğma meydanda ötən tur məhz `Mersin İdman Yurdu`nu darmadağın edən `Boluspor`u qəbul edib.
Lakin həftə içi baş məşqçisi Ergün Penbe ilə yollarını ayırıb, onun yerinə Kadır Özcanı gətirən `Kartalspor` da bu iddialı rəqibə müqavimət göstərə bilməyib və 0:3 hesablı darmadağınla üzləşib. Penbenin dövründə əsas heyətə düşə bilməyən Kovalyovun yeni baş məşqçidən şans qazanacağı gözlənilsə də, o da digər qapıçıya güvənib.
`Kartalspor` hazırda 12 xalla 17 komanda arasında 16-cı sırada qərarlaşıb.
